إلى آدم

آدم

" آدم ..

هذه الحـياة ليست جيـدةٌ كـفايـة .. لا تـدعهـا ترهـقـك

هذه الحـياة ستكـذب عليك في كل فرصـةٍ تسنـح أمـامـها

إيـاك أن تتخـلى عـن صِـدقِـك .. إيـاك أن تتخـلى عن ذاتِـك

لا شيء أكـيـد عـلى هـذه الأرض .. لا شيء

سـوى ..

الله

و أنـتَ

اصـدُق الله .. و صَـدِّق نـفسـك "

فقــط كن نفسـك و كن مع الله

لـ إسلام حجي

#إسلام_حجي

 

آدم

آدم

بعـد نهـايـة يومٍ شـاق ..

لا يسعنـي سوى أن أفكـر في " آدم " الصغـير ..

كم أشتـاق إليه .. ابني منـكِ الذي لم أرزق به ولا بـكِ بعـد .

اســــــــلام حــــــــجي

آدم 4

بص يا آدم 

انا عايز اكلمك عن الكتب ، عن الحياد الانساني ، عن ليه ربنا ، عن الميزان ، عن ليه لازم تبقى مختلف حتى لو وصل اختلافك لدرجة الغرابة مدام ميزانك متـعاير ..

عايز اكلمك عن حاجات كتير اوي بس انا لسه مش متيقن م اللي وصلته .. بالعكس كل ما بعرف اكتر \ تكتر الاسئلة اكتر.. عموما اسمع مني و جرب انت .. اثبت او انفي انت

نكمل بعدين

لــ إســـلام حـــجي

#إسلام_حجي

إلى آدم 3

بص يا آدم

مقدرش اقولك متحبش اوي .. او متوصلش في حب الناس للآخر

انا عن نفسي مبعرفش .. ع الله انت تبقى اشطر

بس لو انت كمان طلعت خايب و معرفتش .. سامحني و متزعلش اوي

عند كل خيبة جديدة لما حد يخذلك .. فيه نقطة نور بتنورلك \ بتعلمك حاجة جديدة عن الناس

بتوريهوملك من زاوية جديدة مكنتش هتشوفها إلا وانت هناك .. في قاع العلاقة

بس الاهم انك متكرهـش ..

و الأسلم انك متتـعلقش بحد زيادة عن اللزوم

دايما احتفظ لنفسك بنصيبك منك .. متنساش

اللي نِسي تِعـب اوي .

لــ إسلام حجي

آدم

بص يا عم آدم

التفاصيل مُـرهقـة جدا 

في الاول هـ تُعجب بنفسك انك قادر تقرا التفاصيل اللي غيرك مبيقـرهاش

قادر تغوص في تفاصيل التفاصيل من غير ما تتـوه

وقادر توصف و ترسم ملامح الروح ورا كل حاجة بتقابلك

حتى اللي حواليك هيصقفولك و انت هتتبسط

بس بعد كدا 

مش هتحس بالتوهه و هي سحباك بعيد عن نفسك

هتفضل تسحبك للاعمق لحد ما تبقى معظم الحاجات اللي حواليك واللي كنت بتحبها زمان .. حاجات سطحية تافهه وتمنع على نفسك التمتع بيها

حتى الناس .. غصب عنك هتبدأ تحس انهم مكررين و ان كلامهم خاوي من المعنى و انك مش قادر تبلع هذا الحجم من سخافة البشر

هتفوق وانت بعدت عن الشاطىء مساافه .. رجوعها يبدولك عملية مستحيلة

لـ إســــلام حـــجي

آدم إسلام حجي

آدم إسلام حجي

بص يا عم آدم

الدنيا صعـبة .. بس مش وحشـة ، او يعني مش وحشة اوي ..

صحيح الوجع فيها فريضـة ،

و احساس انك غـريب عن نفسك .. احيانا كتيـرة بيبقى واجب وطني

و الوحدة وجبة متكاملة ممنوع تخلى سفرتك منها .. لكن مش علطول كده

خوفي الحقيقي عليك انك تصدق انها وحشة ..

فتفلت من تحت عنيك فرص كتيرة اوي للفرحة .. اسمح لنفسك تفرح

#إسلام_حجي