المراية
هـو انت زعـلان ؟
ممكن اطلب منك ..انك تقف قدام المرآية
مش عشان تتعرف على نفسك مثلا
(مع إن سؤال على جنب كدا..هو انت تعرف نفسك فعلا ولا آخرك صورتك اللي بتقدمهـالك المـرآيـة)
ماعلينا ..اقف قدام المراية عشان بس تشوف نفسك..
وتفتكر إن في ناس مش بس شايفين الدنيا سودا دول حتى مش عارفين يشوفوا نفسهم
تخيل انت... انك متعـرفش انت شكلك ايه وبتطلب من الناس توصفـك ليك...!!
الناس دي اللي ربنا ابتلاهم بالـعَمى..اللي ع العكس منك شايفين الدنيا سودا لأنهم معندهومش ألوان تـانيه..إنما انت عنـدك
اوعى تكون فاكرني معترض ع الحـزن..ان القلب ليحزن وان العين لتدمع
بس انا معترض على اننا مناخدش في مدرسة الحياة غير مادة الحزن العربي
ونسقط كلنا سقوط جماعي في مادة الفرح والفخر والنصر..على فكرة
الفرح كمان بيتـضاف ع المجمـوع
ليست هناك تعليقات:
إرسال تعليق