يا حبيبتي
أنـا عـارف .. إنـك .. تعـبانـة
و فـكـراني مـش عـارف
أنـا شـايف .. إنـك .. قلقـانـة
و فكـرانـي مش شـايف
أنـا عـارف .. إنك عايـزاني جبـل واقف
بس أنـا تعبان اوي م الدنـيا
ومن جـوا أنـا خـايف
كان نفسي مبقـاش كداب
وانا باوعد بـالـ " بكرة الجـي "
كان نفسي مبقـاش اعمى
وبشـاور ع النـور و الضي
إزاي بنطبطب على غيـرنـا
و احنـا بنـقول الـ " آه "
وازاي نكدب على روحنـا
ونقول ع الجـرح .. الله
ياحبيبتـي ..
أنـا جنـبك من غـير مـواعيـد
مش عايز اوعـد .. مـ اوفيش
ولا عايز اقولك " طـيري "
السمـا ملكك ..
تـفردي جناحـاتك ... من غير ريش
ياحبيبتي
أنـا جنبك من غير مـواعـيد
أنـا حَـابِك بالفِطـرة
ومن غيرك ..
ميت من فتـرة
فسامحيني ..
لو فجأة الدنيا ملت وشي .. حزن و تجـاعيد
و سامحيني..
أنا قلبي شبه الدواليب .. مليان كراكيب
بس انتي الشماعة .. اللي بعلق حلمي عليها كل نـهار
وانتي الدُرج اللي بيحـضن حملي آخـر المشـوار
انتي الضحكة المفرودة اللي فـ وشي
وبقابل بيها وشوش النـاس
انتي البلورة المسحورة
والدنيا بخوفها و تخـاريفهـا
كَسـْر إزاز
#إسلام_حجي
ليست هناك تعليقات:
إرسال تعليق