Picky ..
في صنف بني آدمين كدا بيبقى انتقـائي .. هو عادة بيتقال عليه متعـالي و ده مش مضبوط ..
هو مبيبقاش مغرور .. هو بس مسيطرة عليه فكرة جودة الاشياء و الاشخاص ..
بالبلدي هو مبـ يرمرمش .. و مالوش في " ابو بلاش كـتر منه " ..
لو هو عارف ان ده افضل اللي عندك هيشكرك عليه حتى لو معيوب ..
بس لو قدمتله المعيوب و انت عندك الافضل مش هيحترمك
الناس دي ماشية بميزان .. او بموازين كتير الحقيقة
ميزان عقلاني و ميزان وجداني ..
يعرف يوزن الافعال و يقيمها في المواقف العملية اللي بتقابله كل يوم
و يقيم و يقدر اوي المشاعر اللي تبتقدمله ..
الناس دي مش مغرورة ( للمرة الألف ) ..
و المرات اللي مبتقبلش فيها اللي بيتقدملها .. مبتقبلوش عشان هي عارفه ان اللي قدامها استخسر او بمعنى اصح استرخص .. فبيجي رفضها بمعنى " لأ قِلته أحسن "
.
الانتقائية اسلوب تعامل ميضايقكش ..
من حقه يعرف هو فين بالنسبة لك و يتعامل ع الاساس ده ..
مينفعش تسترخصـه او تسترخصلـه و عايزه يغليك اوي عنده
العدل حلو ..
و الانتقائية صعبة احيانا كتير بس لو متجاوزتش للعليائية .. متبقاش وحشه
ليست هناك تعليقات:
إرسال تعليق